لاہور: ابوظہبی سے ایچ بی ایل پاکستان سپر لیگ (پی ایس ایل 6) کے لئے کل 370 ویزوں کی درخواست کی گئ ، ان میں سے 7 ابھی باقی ہیں جن میں تین کھلاڑی اور چار آفیسر شامل ہیں۔ ایسا لگتا ہے کہ اب پاکستان کرکٹ بورڈ بہتر پوزیشن میں ہوگا کہ وہ لیگ کے بقیہ ٹی 20 میچوں کے شیڈول کا اعلان کرے۔
اس وقت پاکستان میں 13 کھلاڑی اور عہدیدار موجود ہیں جن میں سے 6 نے پہلے ہی ویزا اور سفر کے منصوبے حاصل کرلیے ہیں۔ ایک تازہ ترین رپورٹ کے مطابق ، ان چھ افراد میں جو ابوظہبی میں ہوں گے ان میں سرفراز احمد، ذیشان اشرف اور زید عالم نامی تین کرکٹرز شامل ہیں جبکہ باقی تین افراد اہلکار ہیں۔
تاہم ، دیگر سات افراد جن میں تین کھلاڑیوں یعنی عمر امین ، آصف خان اور ایم عمران شامل ہیں، ویزا کے منتظر ہیں۔
اس سے قبل ، پی سی بی کا 25 دیگر کھلاڑیوں اور اہلکاروں کو چارٹرڈ پروازوں کے ذریعے بھیجنے کا منصوبہ تھا لیکن چونکہ وقفوں میں ویزا جاری کیا گیا تھا ، لہذا بورڈ نے انہیں تجارتی پروازوں کے ذریعے بھیجنا شروع کیا۔
امکان ہے کہ پی سی بی باقی 20 میچوں کے شیڈول کا اعلان کرے گا۔ اس سے قبل ، پی سی بی نے 1 جون سے کھلاڑیوں کی روانگی کا آغاز کرنا تھا لیکن ویزوں میں تاخیر کی وجہ سے اب اس تاریخ میں ایک ہفتہ یا مزید توسیع کی جا سکتی ہے۔
