وزیر اعظم عمران خان نے واٹر اینڈ پاور ڈویلپمنٹ اتھارٹی (واپڈا) کے تحت اسلام آباد میں ایک تقریب میں پاکستان کے پہلے گرین یورو بانڈ کا باضابطہ آغاز کیا۔
وزیر اعظم، جو مہمان خصوصی تھے، اپنے خطاب کا آغاز اتھارٹی کو کامیابی پر مبارکباد دیتے ہوئے کیا۔ انہوں نے مہمند اور بھاشا ڈیموں پر پیشرفت پر اطمینان کا بھی اظہار کیا۔
“بدقسمتی سے ، پاکستان کی سب سے بڑی کمزوری منصوبوں پر عمل درآمد ہے۔ میری حکومت میں، میں یہ بھی دیکھ رہا ہوں کہ جب عمل درآمد ہوتا ہے تو کچھ چیزیں پیچھے رہ جاتی ہیں۔”
وزیر اعظم عمران نے اس حقیقت پر افسوس کا اظہار کیا کہ پاکستان کی صلاحیتوں کو بروئے کار نہیں لایا گیا تھا۔ “جب شوکت ترین اور میں پاکستان میں بڑے ہو رہے تھے ، اس وقت دنیا میں اس ملک کی الگ حیثیت تھی۔ ایک موقع پر ہماری معیشت پورے ایشیاء میں چوتھے نمبر پر تھی۔”
انہوں نے کہا کہ ہم تیزی سے ترقی کر رہے تھے اور اس کا ایک بڑا حصہ پلاننگ کمیشن کی وجہ سے تھا۔ “طویل مدتی منصوبہ بندی کی جارہی تھی۔ وہ آنے والی نسلوں کے بارے میں سوچ رہے تھے۔ اور یہی وہ چیز ہے جو ایک عظیم قوم کی بنیاد رکھتی ہے۔
