پاکستان ( نیوز اویل)، حال ہی میں پاکستان پیپلز پارٹی کے چیئرمین بلاول بھٹو زرداری نے اعلان کیا تھا کہ وہ 27 فروری کو اسلام آباد سے موجودہ حکومت کے خلاف مارچ کریں گے اور حکومت کو اقتدار میں نہیں رہنے دیں گے اور ان کا کہنا تھا کہ مہنگائی اور موجودہ حکومت کے خلاف عوام ہمارا ساتھ دیے گی ۔
گزشتہ روز پاکستان تحریک انصاف نے بھی کھلے عام پی پی پی کے خلاف مارچ کا اعلان کر دیا ہے۔ کراچی کے وفاقی وزیر اور پی ٹی آئی کے رہنما علی زیدی نے گزشتہ روز میڈیا سے گفتگو کرتے ہوئے پی پی پی کے خلاف مارچ کا اعلان کر دیا ہے ان کا کہنا تھا کہ وہ بھی 27 فروری کو گھوٹکی سے کراچی تک مارچ کریں گے ۔
علی زیدی کا میڈیا سے گفتگو کے دوران مزید کہنا تھا کہ وزیر اعلی سندھ ایک مافیا کا رکن ہیں اور اس مافیا کو چلانے والا اور کوئی نہیں آ صف علی زرداری ہے وہ اس مافیا کا گارڈ فادر ہے ۔ انہوں نے کہا کہ یہ اتنے سال سے محترمہ بینظیر بھٹو کے ق-ا-ت-ل-و۔ں کو تو پکڑ نہیں سکے حکومت کیا خاک چلائیں گے اور پاکستان پیپلز پارٹی والے جمہوریت سے پہلے انسانیت سیکھ لیں۔
