پاکستان (نیوز اویل)، وزیراعظم عمران خان قوم سے خطاب کر رہے ہیں اور خطاب میں وزیراعظم عمران خان نے کہا کہ میں اپنی ٹیم کو خراج تحسین پیش کرتا ہوں اور ان پر بہت فخر کرتا ہوں کہ آپ کو لالچ دی گئی پیسوں کی آفر بھی کی گئی تھی اور آپ کا ضمیر بھی خریدنے کی کوشش کی گئی لیکن آپ بکے نہیں یہی سب سے بڑی بات ہے ۔
وزیراعظم عمران خان نے کہا کہ یہ جو چھوٹا چور ہے وہ نہیں بلکہ بڑا ڈاکو ہی پورے ملک کو تباہ کرگیا ہے اور یہ تین چور جو اب ساتھ مل گئے ہیں وہ تیس سال سے ملک کا خون چوس رہے ہیں، ان کے پیسے باہر پڑے ہیں اور وہ عوام کو لوٹ کر باہر جا کر بیٹھ گیا ہے۔
ہمارے ملک میں باہر کے پیسے کی مدد سے حکومت تبدیل کرنےکی کوشش کی جارہی ہے اور اس کے پیچھے سب سے بڑا ہاتھ اس بڑے چور کا ہے ان سے پاکستان کی یہ ترقی ہضم نہیں ہو رہی اور یہ لوگ دوبارہ آ کر ملک کو لوٹنا چاہتے ہیں لیکن اب میری قوم ایسا نہیں ہونے دے گی۔
