پاکستان (نیوز اویل)، آڑو ایک نہایت لذیذ پھل ہے جس میں کیلشیم، میگنیشیئم، آئرن، زنک، پوٹاشیم، کاپر وافر مقدار میں موجود ہوتے ہیں۔
آڑو میں فائبر کافی مقدار میں ہوتا ہے جبکہ اس میں کیلوریز کم ہوتی ہیں
اور کولیسٹرول نہیں ہوتا۔ کیونکہ آڑو میں اینٹی انفلیمیٹری اور اینٹی اوبیسٹی صلاحیت ہوتی ہے، اس لئے یہ جسم سے فالتو کلسٹرول کو ختم کرتا ہے اور موٹاپے کے علاج کے لیے فائدہ مند ثابت ہوتا ہے۔
آنکھوں کی کمزوری، ذیابیطس اور دل کی عارضے کے علاج میں بھی آڑو کا استعمال کیا جا سکتا ہے۔ دراصل انسانی جسم کی مجموعی صحت کے لیے آڑو کا استعمال جادوئی اثرات رکھتا ہے۔ اس سے کینسر جیسے مرض سے بچا جا سکتا ہے۔
آڑو میں چونکہ وٹامن سی ہوتا ہے
اس لئے اس کا استعمال جلد کے لیے بہت اچھا ہوتا ہے اور جھریوں سے بچاتا ہے۔ سورج کی شعاعوں اور گرد اور آلودگی کی وجہ سے جلد کو جو نقصانات ہوتے ہیں آڑو ان کو دور کرنے میں مدد دیتا ہے۔
آڑو میں موجود فائبر خون میں شوگر لیول کو کم کرتا ہے اور جسم میں انسولین کی مقدار کو بہتر بناتا ہے۔ آڑو میں موجود وٹامن سی اور فیٹی ایسڈ دل کے عارضے سے بچاتے ہیں۔ دن میں دو سے تین آڑو کھانا آنکھوں کو صحت مند رکھتا ہے اور بڑھتی عمر کی وجہ سے آنکھوں پر ہونے والے اثرات سے بچاتا ہے۔ جگر اور معدے کی صحت کے لیے بھی آڑو کا استعمال بہت فائدہ پہنچاتا ہے۔
آڑو موسم گرما میں گرمی کی اثر کو کم کرنے میں مدد دیتا ہے اور اگر کسی شخص کو بخار ہو تو اسے کھانے سے اس کے بخار میں بھی افاقہ ہوتا ہے۔ آڑو کا استعمال کھانسی، منہ کی بدبو اور قبض کو دور کرتا ہے۔
