انڈونیشیا کی بحریہ نے گمشدہ آبدوز کے عملے کے ڈوب جانے کا انکشاف کر دیا۔

انڈونیشیا کی بحریہ نے بتایا کہ گمشدہ آبدوز سے سامان ملا ہے ، جس سے یہ ظاہر ہوتا ہے کہ جہاز کے عملے کے 53 افراد ڈوب گئے تھے اور اس کے بچ جانے والے افراد کی تلاش کی کوئی امید نہیں ہے۔

بحریہ کے چیف یوڈو مارگونو نے کہا کہ امدادی کارکنوں کو کے آر آئی نانگگالا 402 سے متعدد اشیاء ملی ہیں جو بدھ کے روز اپنی آخری اطلاع کے مطابق لاپتہ ہوگئی۔

مارگونو نے بالی میں ایک پریس کانفرنس میں کہا کہ ہم سب میرین سے متعلق پر امید تھے ،لیکن اب ہم ‘سب لاپتہ’ مرحلے سے “سب ڈوب گئے” کی طرف چلے گئے ہیں۔

حکام نے پہلے کہا تھا کہ آبدوز کی آکسیجن سپلائی ہفتہ کے اوائل میں ہی ختم ہو گئی تھی۔ انڈونیشیا نے آبدوز کو صرف گمشدہ سمجھا تھا۔
سنگاپور کے امدادی جہاز بھی ہفتے کے آخر میں متوقع تھے ، جبکہ ملائیشیا کے امدادی جہاز اتوار کے روز پہنچنے والے تھے ، جس سے پانی کے اندر تلاش کو مزید تقویت ملتی ، یہ انڈونیشیا کی فوج کی ترجمان جاوارا وایمبو نے پہلے بتایا تھا۔ انہوں نے کہا تھا کہ انڈونیشیا کا ہائیڈرو گرافک آلہ اب بھی کسی نامعلوم شے کا پتہ لگانے میں ناکام ہے جس میں اعلی مقناطیسیت کی نمائش ہوتی ہے جو اس سے پہلے 50 سے 100 میٹر (165 سے 330 فٹ) کی گہرائی میں واقع تھا۔

سب میرین سے زندگی کی کوئی علامت نہیں ملی تھی ، لیکن افراد نے امید ظاہر کی ہے کہ تلاش کی وسیع پیمانے پر کوششوں کے نتیجے میں یہ آلہ تلاش ہوجائے گا۔