بینکوں کے دیوالیہ ہونے کی افواہیں، افغان کرنسی 5 فیصد گرگئی

کابل (اے ایف پی) امریکی ڈالر کے مقابلے میں افغانستان کی کرنسی (افغانی) میں 5 فیصد کمی واقع ہوئی ہے، ایک ڈالر104افغانی کا ہوگیا ہے جو اگست میں80افغانی کا تھا۔ تاجروں کا کہنا ہے کہ افغانی کی قدر میں

حالیہ کمی ملک کے بڑے بینکوں کے دیوالیہ ہونے کی افواہوں کی وجہ سے ہوئی ہے۔ ایک امریکی ڈالر کے مقابلے میں ’’ افغانی‘‘ 104کا ہوگیا ۔ ایکسچینج کمیشن کا کہنا ہے کہ بینکس دیوالیہ ہونے کی خبریں جھوٹی ہیں۔ 15 اگست کو طالبان کی جانب سے اقتدار سنبھالنے کے بعد سے افغانستان کو ڈالرز کی قلت کا سامنا ہے کیوں کہ عالمی امدادی اداروں نے افغانستان کی اربوں ڈالرز کی امداد معطل کردی ہے۔ طالبان کے اقتدار سنبھالنے کے بعد سے امریکا نے افغانستان کے مرکزی بینک کے 10 ارب ڈالر سے زائد کے زخائر منجمد کردیے ہیں جو بینک نے امریکی وفاقی ذخائر میں رکھوائے ہوئے تھے۔ تاجروں کا کہنا ہے کہ کرنسی کی قدر میں کمی اس وقت ہوئی جب ایک رات قبل اور منگل کی صبح یہ خبریں سامنے آئیں کہ افغانستان کے مرکزی بینک میوند سمیت ملک کے ابتدائی 5 بینکس دیوالیہ ہوگئے ہیں۔