لاہور : کیریبین پریمیئر لیگ (سی پی ایل) کے دفاعی چیمپئن ٹرنباگو نائٹ رائیڈرز (ٹی کے آر) نے 2021 سیزن کے لیے سینئر پاکستانی لیگ اسپنر یاسر شاہ کو رکھ لیا ہے۔
35 سالہ یاسر اس سے قبل 2017 میں نائٹ رائیڈرز کے لیے دو میچ کھیل چکے ہیں جس نے دوسری بار سیزن جیتا۔
یاسر برسبین ہیٹ ، لاہور قلندرز ، پشاور زلمی ، اور ڈھاکہ ڈائنامائٹس کی جانب سے فرنچائز کرکٹ میں کھیل چکے ہیں۔ 124 میچوں میں ، انہوں نے 7.13 کے اکانومی ریٹ کے ساتھ 106 وکٹیں حاصل کیں۔
سات دیگر پاکستانی وہاب ریاض ، اعظم خان ، عثمان قادر ، محمد عامر ، محمد حفیظ ، حیدر علی ، اور شعیب ملک بھی 2021 کا سیزن کھیلیں گے ، جو 26 اگست سے 15 ستمبر تک سینٹ کٹس اینڈ نیوس میں شیڈول ہے۔
یاد رہے یہ ٹیم بالی ووڈ اسٹار شاہرخ خان کی ہے –
