ملالہ کے بیان پر وینا ملک میدان میں آگئیں ۔۔ملالہ کے ماضی کے بارے میں ایسی حقیقت بیان کردی

پاکستان کی کم عمر ترین نوبیل انعام یافتہ ملالہ یوسفزئی کے حال ہی میں دیئے گئے شادی سے متعلق بیان پر شدید تنقید کا سلسلہ جاری ہے- : گزشتہ دنوں ملالہ یوسفزئی نے اپنے سوشل میڈیا اکاؤنٹ پر برطانوی فیشن میگزین ووگ کے سرورق کی تصویر شیئر کرائی تھی۔ ووگ میگزین نے آئندہ ماہ کے شمارے کے سرورق کے لیے ملالہ یوسفزئی کو منتخب کیا ہے۔

فیشن میگزین ووگ کی ویب سائٹ پر ملالہ یوسفزئی کا انٹرویو بھی شائع ہوا تھا جس میں انہوں نے اپنے بارے میں کئی باتیں کرتے ہوئے شادی کے حوالے سے بھی گفتگو کی تھی۔انٹرویو میں جب تیئیس سالہ کم عمر ترین نوبل انعام یافتہ ملالہ سے شادی اور محبت کے حوالے سے پوچھا گیا تو پہلے انہوں نے کوئی واضح جواب نہیں دیا۔دوسری بار شادی اور محبت کے حوالے سے سوال پوچھے جانے پر ملالہ یوسفزئی نے، اپنی سوچ اور دل کی بات عیاں کردی، ملالہ نے کہا کہ مجھے ابھی تک سمجھ نہیں آتا کہ لوگوں کو شادی کیوں کرنا ہے؟ اگر آپ اپنی زندگی میں کسی کے ساتھ رہنا چاہتے ہیں تو نکاح نامے پر دستخط کرنے کی کیا ضرورت ہے؟

صرف پارٹنر بن کر کیوں نہیں رہ سکتے؟- ملالہ نے بتایا کہ ان کی والدہ ہمیشہ انہیں شادی کی خوبصورت رشتے کے حوالے سے بتاتی رہتی ہیں، اور ان کے والد کے پاس ایسے لوگوں کی ای میلز آتی ہیں جو انہیں اپنی جائیداد اور پیسوں کے بارے میں بتاکر مجھ سے شادی کرنے کی خواہش کا اظہار کرتے ہیں۔ملالہ کا مزید کہنا تھا میں یونیورسٹی میں سوچتی تھی کہ میں کبھی شادی نہیں کروں گی، اور نہ ہی بچے پیدا کروں گی صرف اپنا کام کروں گی۔

میں ہمیشہ اپنی فیملی کے ساتھ رہوں گی اور خوش رہوں گی۔ مجھے احساس نہیں تھا کہ آپ ہر وقت ایک شخص نہیں ہوتے جب آپ بڑھتے ہیں آپ میں بدلاؤ آتے ہیں۔ ملالہ کے شادی سے متعلق بیان پر متھیرا کا شدید رد عمل ملالہ یوسفزئی کے شادی سے متعلق اس بیان پر لوگ آگ بگولہ ہو گئے اور شدید تنقید کا نشانہ بنایا نہ صرف عوام نے بلکہ کئی معروف شخصیات نے بھی ملالہ کو آڑے ہاتھوں لیتے ہوئے نکاح کی اہمیت بتائی جن میں اداکارہ متھیرا آغا علی خان اور وینا ملک شامل ہیں-

آغا علی نے ملالہ کے اس بیان پر ردعمل دیتے ہوئے انسٹاگرام پر ایک اسٹوری شئیر کی جس میں اداکار نے مادر ملت فاطمہ جناح اور ملالہ کی تصویر کا ایک کولاج شئیر کیا- تصویر شئیر کرتے ہوئے آغا علی نے فاطمہ جناح کی تصویر کو ہیڈنگ دیتے ہوئے لکھا کہ مادر ملت جبکہ ملالہ کی تصویر کو ہیڈنگ دیتے ہوئے لکھا کہ مادر ذلت- دوسری جانب وینا ملک نے بھی ملالہ کے بیان پر شدید ردعمل دیا اور اپنے ٹوئٹ میں ملالہ کی بات کو طنزاً لکھا کہ نکاح کرنے کی ضرورت ہے جب ز نا کی سہولت موجود ہے ملالہ؛ ساتھ ہی ملالہ کو مخاطب کرتے ہوئے لکھا کہ بیٹا آپ کی پیدائش پر لاعنت-