مسلمان برطانوی شہری نے حج کی سعادت حاصل کرنے کے لئے عظیم کارنامہ سر انجام دے دیا، مسلمانوں کا سر فخر سے بلند کر دیا !

پاکستان (نیوز اویل)، عام طور پر لوگ حج یا عمرہ کے لئے ہوائی جہاز کے سفر کو ترجیح دیتے ہیں کیونکہ یہ آرام دہ ہوتا ہے، خطروں اور مشکلات سے کافی حد تک محفوظ ہوتا ہے،

 

 

 

اور اس سے وقت بھی بچ جاتا ہے۔
لیکن وہیں کچھ ایسے لوگ بھی موجود ہیں جو کہ پیدل ہی سفر حج پہ نکل پڑتے ہیں یا ایسے لوگ بھی ہیں جو موٹر سائیکل پر ہی حج پر جانے کے لئے تیار ہو جاتے ہیں۔

 

 

انہی دنوں ایسا ہی ایک برطانوی شہری منظر عام پر آیا جس نے برطانیہ سے لے کر مکہ تک کا سفر 11 مہینے میں پیدل طے کیا ہے۔

 

 

برطانوی مسلمان شہری کا نام آدم محمد ہے جس نے دس مہینے اور 26 دن قبل برطانیہ سے مکہ کے لئے رخت سفر باندھا اور راستے میں 9 ملکوں سے ہوتا ہوا حج کے لیے بالآخر مکہ پہنچ گیا۔

 

 

آدم محمد کے مکہ پہنچنے پر لوگوں نے اس کا گرمجوشی سے استقبال کیا جس پر اس نے لوگوں کا شکریہ ادا کیا اور کہا کہ حج کرنا اس کی دلی خواہش تھی اور اولین ترجیح تھی۔ اس لئے اس نے سفر کی مشقتیں برداشت کیں اور فریضہ حج ادا کرنے مکہ پہنچ گیا۔