گجرات (نیوز ڈیسک) گجرات میں شوہر نے نئی نویلی دلہن کی نازیبا ویڈیو بنا لیں،گجرات میں بیوی کی نازیبا ویڈیو بنانے والا ملزم ضمانت منسوخ ہونے پر عدالت سے
فرار ہو گیا، تفصیلات کے مطابق گجرات میں ایک خاتون کے اہل خانہ نے اپنے داماد پر الزام عائد کیا ہے کہ شوہر خفیہ کیمروں اور موبائل سے بیوی کی باتھ روم اور بیڈ روم کی ویڈیو بناتا تھا۔
ملزم بیوی کو نازیبا ویڈیو وائرل کرنے کی دھمکیاں بھی دیتا تھا۔ اہلخانہ نے مذکورہ شخص پر الزام عائد کیا تھا کہ وہ بیوی کو اس کی نازیبا ویڈیوز دکھا کر دوستوں سے ملنے کے لیے مجبور کرتا تھا۔ملزم تھانہ کڑیانوالہ میں اندراج مقدمہ کے بعد قبل از گرفتاری پر تھا۔ملزم رحمان
نے 3 ماہ قبل کڑیانوالہ کی رہائشی لڑکی سے شادی کی تھی۔ ملزم کی آج ضمانت منسوخ ہوئی جس پر وہ عدالت سے فرار ہو گیا۔ خیال رہے اس سے قبل جنید ارشد نامی شخص کی بیوی نے اسے دوسری شادی کی اجازت نہیں دی تھی جس پر اس نے بیوی کو بدکردار ثابت کرنے کے
لیے اپنے دوست کی مدد سے جعلی فیس بک اکائونٹ بنایا، اس فیس بک اکائونٹ کے ذریعے وہ بیوی کی نازیبا تصاویر اور وڈیوز سوشل میڈیا پر اپ لوڈ کرتا اور اسے بیوی کے گھر والوں کو بھجواتا تھا۔ جنید ارشد کی بیگم نے اپنے خلاف ہونے والی اس قبیح حرکت پر ایف آئی اے سائبر کرائم ونگ کو درخواست دی تھی۔ ایف آئی اے کو دوران تفتیش معلوم ہوا کہ اس سارے کھیل کا اصل محرک
کوئی اور نہیں بلکہ جنید ارشد ہی ہے، ایف آئی اے نے ٹھوس ثبوت کی بنیاد پر جنید ارشد کے خلاف مقدمہ درج کیا۔ عدالت سے ان کی درخواست ضمانت مسترد ہونے کے بعد ملزم عدالت سے ہی فرار ہونے میں کامیاب ہو گیا تھا۔ ایف آئی اے سائبر کرائم ونگ نے اپنی بیوی کی نازیبا وڈیو اور تصاویر سوشل میڈیا پر اپ لوڈ کرنے والے
پنجاب پولیس کے معطل ایس پی جنید ارشد کو انتہائی مطلوب اشتہاری قرار دیدیا تھا۔ بتایا گیا کہ ایف آئی اے سائبر کرائم ونگ نے پنجاب پولیس کے معطل ایس پی جنید ارشد کو انتہائی مطلوب اشتہاریوں کی فہرست میں شامل کر لیا اور اس کی گرفتاری کے لیے پنجاب پولیس سمیت دیگر قانون نافذ کرنے والے اداروں سے مدد مانگی۔
