‏حکومت آئی ایم ایف اور عوام دونوں کو دھوکہ دے رہی ہے، کالی کمائی کرنے والوں پر کرم لیکن میڈیا اور عوام پر۔۔۔۔۔۔۔۔۔۔۔۔۔۔ وزیراعظم کے ریلیف پیکیج کے اعلان پر شہبازشریف کا سخت ردعمل!

پاکستان (نیوز اویل)، شہبازشریف نے میڈیا سے گفتگو کرتے ہوئے کہا ہے کہ موجودہ حکومت کی جانب سے کالی کمائی کرنے والوں پر کرم جبکہ میڈیا اور عوام پر کالے قانون اور سیاہ مہنگائی کا ستم ڈھایا جارہا ہے اور عوام کو لارے لگائے جا رہے ہیں ۔

ان کا مزید کہنا تھا کہ اگر عوام کو یہ کہا جا رہا ہے کہ پیٹرول کی قیمتوں میں کمی کر دی گئی ہے تو پھر کرایوں میں کمی کون کروائے گا مہنگائی کیسے کم ہو گی ۔ یہ عمران خان صرف اپنی سیاست بچا رہا ہے اسے ڈر ہے کہ اس کی حکومت ختم ہونے والی ہے ۔

شہباز شریف کا کہنا تھا کہ عمران خان عوام کو لارے لگا رہا ہے انہیں خوش کرنے کی کوشش میں آئی ایم ایف کو دھوکا دے رہا ہے اور میڈیا کا منہ بند کروانا چاہتا ہے تا کہ اس کے کالے کرتوت سب کے سامنے نہ آ جائیں ۔ ان کی پارٹی والے ہی ان کے خلاف ہیں ۔ کوئی ان سے پوچھے کہ چودہ بنکوں کی ڈیٹیلز کہاں ہیں وہ تمام فنڈز جو کہ بارہ مختلف ممالک سے آئے تھے وہ کہاں ہیں ۔