کراچی(این این آئی)عظیم فنکار عمر شریف کی خدمات کے اعتراف میں سندھ حکومت نے شہید ملت روڈ پر بنائے گئے انڈر پاس کو عمر شریف کے نام سے منسوب کر دیاہے۔بلدیہ عظمی کراچی نے انڈر پاس کو عمر شریف کے نام پر منسوب کرنیکی قرار داد منظور کر لی۔تفصیلات کے مطابق
کراچی کی اہم ترین شاہراہ شہید ملت روڈ پر ایک سال پہلے بنائے گئے حیدر علی انڈر پاس کو عمر شریف کے نام سے منسوب کردیا گیا۔ ترجمان سندھ حکومت و ایڈمنسٹریٹر بلدیہ عظمی کراچی مرتضی وہاب نے نوٹیفکیشن بھی جاری کر دیا۔ ترجمان سندھ حکومت مرتضی وہاب کے مطابق عمر شریف بہترین شخصیت کے مالک اور بڑے فنکار تھے۔منصوبہ مکمل ہونے کے بعد اس کے روٹ پر پیڈسٹرین برج کی تعمیر فوری محسوس کی گئی تھی شہریوں نے پیڈسٹرین برج بنانے کا بھی مطالبہ کیا۔ شہریوں نے بھی حکومت کے اس اقدام کی تعریف کی۔واضح رہے کہ اس سے قبل شہیدِ ملت روڈ پر واقع حیدر علی انڈر پاس کو اداکار عمر شریف کے نام سے منسوب کرنے کا اعلان کیا گیا تھا۔اعلان ایڈمنسٹریٹر کراچی مرتضی وہاب نے چند روز قبل عمر شریف کی رہائش گاہ پر کیا تھا۔انڈر پاس کو مرحوم عمر شریف کے نام سے منسوب کرنے کی قرار داد پیر کو منظور کی گئی تھی۔خیال رہے کہ عمر شریف کراچی سے علاج کے لیے امریکا منتقلی کے دوران 2 اکتوبر کو جرمنی کے اسپتال میں انتقال کر گئے تھے۔
پاکستان (نیوز اویل)، حال ہی میں ایک افسوسناک واقعہ پیش آیا ہے جو کہ بھارت…
پاکستان (نیوز اویل)، حجامہ ایک قدیم طبی عمل ہے جس میں جسم کے مخصوص نقاط…
پاکستان (نیوز اویل)، افتخار ٹھاکر کا حج اور ان کی مرحومہ ماں کا خواب معروف…
پاکستان (نیوز اویل)، پانی میں اخروٹ ڈال کر ابالنے سے کئی فوائد حاصل ہوتے ہیں،…
پاکستان (نیوز اویل)، بیٹے کے انتقال کے بعد بیوی نے اس کی لاش گود میں…
پاکستان (نیوز اویل)، خواتین بجلی کے بل میں بچت کے لیے کئی کام کر سکتی…