دبئی(این این آئی) ٹی 20 ورلڈ کپ کے آغاز کے ساتھ ہی ایمریٹس ایئرلائن کی نئی ایئربس میگا ایونٹ کے رنگ میں رنگ گئی۔تفصیلات کے مطابق آئی سی سی ٹی ٹوئنٹی کرکٹ ورلڈکپ کے آغاز پر
ایمریٹس ایئرلائن نے بھی اپنی ایئربس 380 کو کھیل کے لیے سجایا لیا۔ورلڈکپ انتظامیہ اور اماراتی ایئرلائن نے پارٹنر شپ کے طور پر نئی ایئربس کو میگا ٹورنامنٹ کے ‘لوگو’ سے مزین کیا، بھارتی کرکٹ شیکھر دھون نے نئی ایئربس کی افتتاحی تقریب میں حصہ لیا۔اس موقع پر ایمریٹس ایئرلائن کے انجینئرز کی کرکٹ ٹیم بھی موجود رہی۔ تقریب کے دوران پر ٹی ٹوئنٹی ورلڈکپ کی ٹرافی بھی دکھائی گئی۔دریں اثنا ایمریٹس ایئرلائن کے سینئر وائس پریذیڈنٹ بطروس کا کہنا تھا کہ ہم بہت خوش اور پرجوش ہیں کہ ٹی ٹوئنٹی کرکٹ ورلڈکپ ہمارے گھر امارات میں منعقد ہو رہا ہے۔انہوں نے کہا کرکٹ ورلڈکپ کے لیے ایمریٹس کے آفیشل ایئرلائن اور پارٹنر بننے پر فخر محسوس کر رہے ہیں۔
