“کامیاب جوان پروگرام” کن بنیادوں پر نوجوانوں کو قرضے دیے جائیں گے؟

پاکستان (نیوز اویل)، وزیر مملکت اطلاعات و نشریات فرخ حبیب نے عثمان ڈار کے ساتھ پریس کانفرنس کی جس میں انہوں نے حکومت کی جانب سے شروع کیے ہوئے کامیاب جوان پروگرام کے حوالے سے تفصیلی گفتگو کی۔

فرخ حبیب کا کہنا تھا کہ ماضی میں حکمرانوں نے طرح طرح کی سکیموں سے عوام کو لوٹا ہے کیوں کہ ان کا مقصد صرف خود کے لیے پیسہ اکٹھا کرنا تھا نون لیگ نے پرائم منسٹر لون کا انعقاد کیا تھا جس کا سربراہ ہی مریم نواز صاحبہ کو بنا دیا گیا تھا ان کا کہنا تھا وہ سب رشوت کی اسکیمیں تھیں اور عثمان ڈار صاحب نے نوجوانوں کو اس سے باہر نکالا ۔

ان کا مزید کہنا یہ تھا کہ ابھی تک چالیس ارب کے قرضے منظور کیے جا چکے ہیں اور اس سے ہزاروں کاروبار شروع کیے جا چکے ہیں اور حکومت مزید قرضے منظور کر رہی ہے تا کہ اسٹارٹ اپس کو پروموٹ کیا جا سکے اور غریب نوجوان بھی آ گے بڑھ سکیں اور ملک ترقی کی راہ پر گامزن ہو سکے۔

انہوں نے بتایا کہ کامیاب جوان پروگرام میں اٹھارہ سال سے لے کر پینتالیس سال تک کے تمام افراد آ سان اقساط پر قرضے لے کر اپنے کاروبار شروع کر سکیں گے۔