پاکستان (نیوز اویل)، پاکستان تحریک انصاف کے اہم رہنماؤں نے پارٹی کو چھوڑ دیا ہے اور پرویز الہی سے ملاقات کی ہے اور مسلم لیگ ق میں شامل ہونے کا اعلان کر دیا ہے۔
محمد نواز خان بھروانا اور مہرخان بھروانہ جو کہ پاکستان تحریک انصاف کے رہنما تھے انہوں نے مسلم لیگ ق میں شمولیت کا اعلان کر دیا ہے محمد نواز خان بھروانہ اور مہر خان بھروانہ نے ساتھیوں سمیت پارٹی کو چھوڑا ہے اور پرویز الہی سے ملاقات کی اور انہیں ق لیگ میں شمولیت کا بتایا تو پرویز الہی نے انہیں خوش آمدید کہا اور انہیں یقین دہانی کرائی کہ ہماری پارٹی اپنے تمام ممبرز کو ساتھ لے کر چلتی ہے اور ہر ممبر کی رائے کو اہمیت دیتی ہے ۔
یاد رہے پاکستان تحریک انصاف کے بہت سے ممبرز کے حوالے سے پارٹی چھوڑنے کی خبریں سامنے آرہی ہیں اور یہ بات پاکستان تحریک انصاف کے لیے خوش آئند نہیں ہے ہوسکتا ہے کہ اس دفعہ انتخابات میں یہ معاملات پاکستان تحریک انصاف کو پریشانی سے دوچار کریں۔ یاد رہے پرویز خٹک کے ساتھ بھی وزیراعظم عمران خان کی اسمبلی میں کافی بحث ہوئی تھی لیکن پرویز خٹک نے عمران خان کو اپنا محسن قرار دیا اور کہا کہ وہ عمران خان کے خلاف جانے کا سوچ بھی نہیں سکتے اور ساتھ ہی ساتھ اسمبلی میں ہونے والے معاملات کے حوالے سے یہ کہا کہ وہ ہماری پارٹی کا معاملہ تھا۔
