پاکستان (نیوز اویل)، کل رات تحریک عدم اعتماد پر ووٹنگ ہو چکی ہے جس کے بعد عمران خان وزیراعظم نہیں رہے ۔ ووٹنگ سے پہلے ہیں یہی اسپیکر قومی اسمبلی اور ڈپٹی اسپیکر قومی اسمبلی نے بھی استعفی دے دیا تھا اور حکومتی ارکان واک آؤٹ کر گئے تھے ۔
تفصیلات کے مطابق سب کے جانے کے بعد بھی پاکستان تحریک انصاف کے علی محمد خان ایوان میں بیٹھے رہے ہے اور جاتے جاتے اپنے لیڈر کی ایک نشانی لے گئے جس کو انہوں نے بعد میں سوشل میڈیا پر پوسٹ کیا علی محمد خان ایوان سے جاتے وقت اپنے لیڈر عمران خان سے منسلک ایک چیز ساتھ لے گئے اور انہوں نے کہا کہ وہ یہ تب ہی واپس کریں گے جب عمران خان دوبارہ وزیر اعظم کے عہدے پر فائز ہوں گے۔
علی محمد خان نے ٹویٹر پر ٹویٹ کرتے ہوئے ایک تصویر شیئر کی کی جس پر لکھا تھا ” جناب عمران خان تقسیمی نمبر” ساتھ ہی ساتھ علی محمد خان نے کیپشن لگائی کہ ممبر قومی اسمبلی کی اسمبلی سیٹ پہ اس کا تقسیمی نمبر لکھا ہوتا ہے، وزیراعظم عمران خان کی وزیراعظم کی سیٹ پہ موجود یہ تقسیمی نمبر ساتھ لے آیا ہوں، وہاں نہیں چھوڑا اور یہ ان کو تب واپس کروں گا جب وہ دوبارہ اقتدار میں آئیں گے ۔
