عمران خان کا عدلیہ سے بڑا سوال! میں نے کیا جرم کیا تھا جو آپ نے ۔۔۔۔۔۔۔۔۔ عوام کو کال بھی دے دی!

پاکستان (نیوز اویل)، آج پشاور میں عوامی جلسے سے خطاب کرتے ہوئے عمران خان نے کہا کہ ہم تب تک باہر نکلیں گے جب تک الیکشن نہیں ہو جاتے۔ ان کا مزید کہنا تھا کہ قوم ہفتے کے روز حکومت کے خلاف ملک گیر احتجاج ریکارڈ کرائیں اور ہم ان کو نکال کر رہیں گے۔

سابق وزیر اعظم عمران خان نے عدلیہ سے بھی سوال کر ڈالا اور کہا کہ آخر میں نے کیا جرم کیا جو آپ نے رات کو 12 بجے عدالتیں لگائیں اور میری قوم نے اتوار کو سڑکوں پر نکل کر سب کو بتا دیا ہے کہ انہیں امپورٹڈ حکومت نا منظور ہے اور وہ غلامی کے خلاف کھڑے ہوں گے اور جو لوگ حکومت میں آئے ہیں یہ سب کے سب ہی ضمانت پر ہیں اور امریکا نے اس قوم پر ڈاکوؤں اور چوروں کو مسلط کردیا ہے۔

انہوں نے عدلیہ سے شکوہ کرتے ہوئے کہا کہ میں نے تو آج تک کبھی کوئی قانون نہیں توڑا اور نہ ہی کبھی عوام کو عدلیہ کے خلاف کرنے کی کوشش کی ہے تو میں نے کیا جرم کیا تھا کہ آپ نے رات کے بارہ بجے عدالتیں لگائیں۔