پاکستان (نیوز اویل)، نشان حیدر اعزاز حاصل کرنے والے میجر طفیل محمد شہید کا 7 اگست کو 64واں یوم شہادت ،پڑھئے انکی بہادری کی داستان
۔
نشان حیدر پاکستان کا سب سے بڑا فوجی اعزاز ہے جو جنگ میں بہترین کارکردگی دکھاتے ہوئے شہید ہوجانے والے فوجیوں کو دیا جاتا ہے۔ ایسے ہی ایک شہید میجر طفیل محمد ہیں جن کا 64 واں یوم شہادت 7 اگست کو منایا گیا۔
12 جولائی 1914 کو پنجاب کے شہر ہوشیارپور میں پیدا ہونے والے میجر طفیل محمد کو 1943 میں فوج میں کمیشن ملا۔ انہوں نے 1947 میں میجر کا عہدہ پایا اور اپنے خاندان کے ساتھ پاکستان آگئے۔ پاکستانی فوج میں انہوں نے بیش بہا خدمات سر انجام دیں۔
1958 میں ان کو مشن دیا گیا کہ ان کو چند بھارتی دستوں کا صفایا کرنا ہے جو لکشمی پور میں مورچہ بند تھے۔ دشمن کی چوکی پر حملے کے بعد دشمن کی طرف سے جوابی فائرنگ شروع ہو گئی جس کی وجہ سےم
میجر طفیل محمد زخمی ہوگئے لیکن وہ آگے بڑھتے رہے۔ انہوں نے دستی بم پھینک کر دشمن کی مشین گن ناکارہ بنا دی۔ بالآخر دشمن نے پسپائی اختیار کر لی۔
یہ 7 اگست 1958 کا دن تھا جب دشمن کو زبردست شکست دینے کے بعد میجر طفیل محمد نے جام شہادت
نوش کیا۔ ملک کی سالمیت کی خاطر جواں مردی سے لڑنے اور اپنی جان کا نذرانہ پیش کرنے پر حکومت پاکستان نے ان کی خدمات کا اعتراف کرتے ہوئے انہیں پاکستان کے سب سے بڑے فوجی اعزاز نشان حیدر سے نوازا۔
