سابق وزیراعظم شاہد خاقان عباسی نے میڈیا سے گفتگو کرتے ہوئے کہا کہ عمران خان کو 2008 سے 2013 کے درمیان چالیس کروڑ کے فنڈز ملے ۔ اور 2013 کے بعد عمران خان اور پی ٹی آئی کو اربوں روپے کی فنڈنگ ہوئی تو عمران خان صاحب بتائیں کہ وہ فنڈنگ کہاں گئی ؟
شاہد خاقان عباسی نے مزید انکشاف کیا کہ عمران خان کو دبئی کی ایک کرکٹ کمپنی نے 22 لاکھ ڈالرز کی فنڈنگ بھی کی جس کا کسی کو علم نہیں ۔
انہوں نے کہا عمران خان نے آسٹریلیا کینیڈا اور برطانیہ میں بھی کمپنیز کھولیں ہیں لیکن اس کے بارے میں الیکشن کمیشن کو بھی اطلاع نہیں دی گئی انہوں نے مزید کہا کہ اس فورن فنڈنگ کیس کی وجہ سے عمران خان کو بھی پکڑا جائے ۔
رپورٹ کے مطابق پی ٹی آئی نے پارٹی فنڈنگ کے حوالے سے الیکشن کمیشن اور پاکستان کو غلط معلومات فراہم کی ہیں . الیکشن کمیشن کی اس رپورٹ میں یہ کہا گیا کہ پی ٹی آئی نے ایک ارب چالیس کروڑ کے فنڈز نکلوائے لیکن پارٹی نے 31 کروڑ روپے سے زیادہ کی تفصیلات نہیں بتائیں کہ باقی ایک ارب دس کروڑ روپوں کو کہا لگایا گیا کیونکہ اس کی کوئی معلومات ہی نہیں ہے ۔
