کابل(این این آئی)افغانستان میں حکومت سنبھالتے ہی طالبان نے ایک تفریحی پارک میں بت نصب ہونے کے سبب پارک کو نذر آتش کر دیا ہے۔میڈیارپورٹس کے مطابق افغانستان سے متعدد ویڈیوز سوشل میڈیا پلیٹ فارمز پر وائرل ہو رہی ہیں جن میں طالبان جم میں ورزش کرتے یا پارکس میں جھولا جھولتے ہوئے دیکھے جا سکتے ہیں۔
ٹوئٹر پر ایک افغان شہری کی جانب سے ایک نئی ویڈیو شیئر کی گئی ہے۔سامنے آنے والی نئی ویڈیو افغانستان کے شہر شبرغان کی ہے، ویڈیو میں تفریحی پارک کو آگ میں جلتے ہوئے دیکھا جا سکتا ہے۔افغان ٹوئٹر صارف کے مطابق طالبان جنگووں کی جانب سے اس پارک میں موجود بتوں کے سبب آگ لگائی ہے۔
