اسلام آباد (مانیٹرنگ ڈیسک)بھارتی اداکار شاہ رخ خان کے بیٹے آریان خان کو جیل کا کھانا کھانے سے انکار کے بعدوہ فی الحال بسکٹس کھانے کے طور پر کھا رہے ہیں ۔ تفصیلات کے مطابق بالی وڈ کنگ شاہ رخ خان کے بیٹے آریان خان کے جیل میں کھانے پینے سے متعلق تفصیلات سامنے آئی ہیں
۔بھارتی میڈیا رپورٹس میں کہا گیا ہے کہ آریان نے بسکٹس کے کچھ پیکٹس کے آرتھر روڈ کی کینٹین سے خریدے ہیں ، ان دنوں وہ غم وغصے کی کیفیت سے گزر رہے ہیں اس لیے آریان نے کھانا ٹھیک سے نہیں کھا رہے ۔ دوسری جانب شاہ رخ خان کے بیٹے آریان خان کیس این سی بی کی ٹیم نے ہفتہ کو دیر رات گورے گاوں سمیت ممبئی کے نواحی علاقوں پر چھاپہ مارا۔ انہوں نے ڈرگس معاملے میں جمعہ کی شب سانتا کروز علاقے سے شیو راج رام داس نام کے ایک اور شخص کو بھی گرفتارکیا ہے۔ بھارتی میڈیا کی رپورٹ میں کہا گیا ہے کہ تحقیقات کے دوران نیشنل نارکوٹک بیورو کو گرفتار افراد کے تحویل میں لیئے گئے موبائل فونز میں سے ایک میں ہالی وڈ اور بالی وڈ کے ستاروں کے موبائل نمبر ز ہیں، موبائل فونز میں نمبر کوڈ کے اندازمیں درج کیے گئے ہیں ، پیغامات میں یہ انکشاف بھی ہوا کہ ہالی وڈ کے اداکاروں سے منشیات کی بیرون ملک ڈلیوری کا وعدہ بھی کیا گیا۔رپورٹ میں دعویٰ کیا گیا کہ کیس میں گرفتار ایک ملزم کے موبائل فون سے ڈیٹا ملا ہے جس میں یہ بات سامنے آئی کہ بالی وڈ اداکاروں اور ان کی فیملیز کو بھاری مقدار میں منشیات فراہم کی گئیں ۔بتایا گیا ہے کہ ارباز مرچنٹ نے شاہ ر خ خان کے بیٹے آریا ن خان کو بھی منشیات دیں جو کہ چھاپے کے دوران سمندری جہاز میں جاری پارٹی میں موجود تھا۔
