پاکستان (نیوز اویل)، وزیراعظم عمران خان کی اہلیہ اور خاتون اول بشریٰ بی بی کے چھوٹے بیٹے کو گرفتار کر لیا گیا ہے ۔
اطلاعات کے مطابق گزشتہ روز خاتون اول کے چھوٹے بیٹے موسیٰ مانیکا کو پولیس نے حراست میں لے لیا ہے اور تفصیلات کے مطابق موسی مانیکا اور ان کے کزن محمد احمد مانیکا کو شراب رکھنے کے جرم میں حراست میں لیا گیا ہے ۔ یاد رہے کہ محمد احمد مانیکا مسلم لیگ نون کے ایم این اے احمد رضا مانیکا کا بیٹا ہے اور ان لوگوں کے پاس سے شراب برآمد ہوئی ہے ۔
محمد احمد مانیکا اور موسی مانیکا کے ساتھ کار میں ان کا شہریار نامی ایک دوست بھی تھا اور ان کی گاڑی سے پولیس کو شراب ملی ہے اور ساتھ ہی ساتھ یہ بات بھی سامنے آئی ہے کہ شہریار نامی شخص نے اس وقت شراب پی رکھی تھی ۔ پولیس نے شراب قبضے میں لے کر تینوں کو گرفتار کر لیا تھا لیکن بعد میں موسی مانیکا اور محمد احمد مانیکا کو ضمانت پر رہا بھی کر دیا گیا کیونکہ اس وقت ان دونوں نے شراب نہیں پی ہوئی تھی۔
