پاکستان (نیوز اویل)، افریقہ کے ملک ایتھوپیا میں جب اسلام کی روشنی پھیلی تو یہاں سے بہت سے بزرگان اور عالم فاضل لوگوں نے جنم لیا۔ یہ وہ سی سے قدیم مساجد اور بزرگان دین کے مزارات آج بھی موجود ہیں۔
ایتھوپیا کے ایک شہر ہرار میں بہت سی زیارت گاہیں اور مقدس مقامات موجود ہیں جو اس شہر کی شہرت کی وجہ ہیں۔ دسویں سے تیرہویں صدی کے درمیان اس شہر کی بنیاد اس وقت رکھی گئی جب عرب سے لوگ یہاں نقل مکانی کر کے آ رہے تھے۔
2006 میں اس شہر کو عالمی ثقافتی ورثے میں شامل کیا گیا۔ یہاں چھوٹی بڑی 82 مساجد موجود ہیں۔ اس شہر میں مسلمان اکثریت میں ہیں۔ یہاں ایک سو سے زائد مزارات بھی ہیں جہاں بڑی تعداد میں لوگ حاضری دینے آتے ہیں۔
اس شہر کی سب سے بڑی جامع مسجد میں نہ صرف مرد بلکہ عورت بھی نماز پڑھنے آتی ہیں۔
مسلم اکثریتی شہر ہونے کے باوجود اندرون شہر میں دو چرچ آج بھی موجود ہیں۔
شیخ آبادر جن کا شمار اس شہر کے بانیوں میں ہوتا ہے، ان کا مزار بھی یہاں موجود ہے۔ یہ مقام یہاں کی سب سے بڑی زیارتگاہ سمجھی جاتی ہے۔
