پاکستان (نیوز اویل)، وزیراعظم عمران خان کا قوم سے خطاب جاری ہے جس میں انہوں نے کہا ہے کہ شہباز شریف یہ بھول جائیں کہ کبھی وزیر اعظم بن سکیں گے اور شہباز شریف اچکن نہیں پہن سکیں گے ہم کہیں نہیں جارہے ہیں۔
وزیراعظم عمران خان نے کہا کہ ہم کسی صورت میں بھی استعفی نہیں دیں گے کیونکہ استعفی دینے کا مطلب یہ ہے کہ ہم ان کی سازش کو کامیاب ہونے دے رہے ہیں وزیراعظم عمران خان نے کہا کہ اب تمام ضلع میں اور ہر شہر میں جلتے ہوں گے اور عوام کو آگاہ کیا جائے گا کہ ان چوروں سے بچ جائیں۔ انہوں نے مزید کہا کہ اپوزیشن عوام میں جانے سے گھبراتی ہے جب کہ ہم عوام میں سرخرو ہو چکے ہیں اور میری قوم جانتی ہے کہ کون سچا ہے اور کون جھوٹا۔
گزشتہ روز سپریم کورٹ کے فیصلے کے حوالے سے بات کرتے ہوئے وزیراعظم عمران خان کا کہنا تھا کہ سپریم کورٹ کے فیصلے پر شدید افسوس ہوا ہے سپریم کورٹ کو پہلے تحقیق کر لینی چاہئے تھی ہم سے مراسلہ ہی منگوا کر دیکھ لیتے یا بیرونی سازش کے بارے میں ہی سوچ لیتے۔
