کراچی: پاکستان پیپلز پارٹی کے چیئرمین بلاول بھٹو زرداری نے بے نظیر مزدور کارڈ کا آغاز کیا۔ حکومت سندھ کی جانب سے مزدوروں کی مشکلات کے خاتمے کے لئے ایک اسکیم متعارف کروائی گئی۔
پیپلزپارٹی کے چیئرمین بلاول بھٹو نے سندھ میں بےنظیر مزدور کارڈ کی تقسیم کا آغاز کر دیا۔
پیپلز پارٹی کے رہنما نے بینظیر مزدور کارڈ کی افتتاحی تقریب سے خطاب کرتے ہوئے کہا کہ ان کی پارٹی اس سفر کو آگے لے جانا چاہتی ہے ، جو سابق وزیر اعظم شہید ذوالفقار علی بھٹو نے مزدور کارڈ کے اجراء کے ذریعے شروع کیا تھا۔
بلاول بھٹو زرداری نے کہا کہ پیپلز پارٹی کارکنوں کے حقوق کے لئے جدوجہد کرتی رہے گی۔
بینظیر مزدور کارڈ اسکیم کے تحت ، صوبے میں چھ لاکھ سے زیادہ رجسٹرڈ کارکنان تعلیم ، صحت ، شادی کی گرانٹ ، مالی معاونت ، اسکالرشپس سمیت تمام ضروری سہولیات اور فوائد حاصل کرسکیں گے۔
