اسلام آباد (مانیٹرنگ ڈیسک /این این آئی)بھارتی اداکارہ شلپا شیٹھی نے شوہر راج کندرا سے علیحدگی کے بارے میں سوچ بچار شروع کر دی ۔ تفصیلات کے مطابقبالی وڈ اداکارہ شلپا شیٹھی نے شوہر راج کندرا سے الگ رہنے کے بارے میں سوچ بچار شروع کر دیا ہے۔
بھارتی میڈیا کی رپورٹ کے مطابق شلپا شیٹھی کے انتہائی قریبی دوست کا کہناہے کہ اداکارہ بچوں کو لیکر اپنے شوہر سے دور جانے کی منصوبہ بندی کررہی ہیں کیوں کہ راج کندرا کی وجہ سے پیدا ہونے والے مسائل جلدی ختم ہونے والے نہیں۔ شلپا شیٹھی کی دوست کا کہنا ہے کہ اداکارہ راج کندرا کے غیر قانونی پیسوں سے کچھ بھی نہیں لینا چاہتی اور وہ چاہتی ہیں کہ ان کے بچے بھی اپنے باپ کی ناجائز دولت سے دور رہیں۔
قبل ازیں فحش اور غیر اخلاقی فلمیں بنانے کے الزام میں گرفتار شلپا شیٹی کے شوہر راج کندرا کے ساتھی کی گرفتاری بھی عمل میں لائی گئی۔ بھارتی میڈیا رپورٹس کے مطابق راج کندرا کے کاروباری ساتھی ابھیجیت بومبل کو گرفتار کیا، دوران حراست انہوں نے اپنے جرم کا اعتراف بھی کرلیا ہے۔
ابھیجیت بومبل کو ممبئی پولیس کی کرائم برانچ نے فحش فلموں کی ڈائریکشن کے الزام میں گرفتار کیا۔کہا جارہا ہے کہ راج کندرا کے ساتھی کی گرفتاری سے شلپا شیٹی کے مسائل میں اضافہ ہوجائے گا۔
