پاکستان تحریک انصاف نے مسلم لیگ ن کی بڑی وکٹ گرا دی۔ تفصیلات کے مطابق پنجاب میں پاکستان مسلم لیگ ن کے مضبوط حلقے ناروال میں حکمراں جماعت تحریک انصاف بڑی سیاسی کامیابی حاصل کر گئی۔ بتایا گیا ہے کہ ضلع ناروال میں مسلم لیگ ن کے سب سےمتحرک رہنما کےطور پر مشہور ملک طارق اعوان نے برسوں بعد اپنی پارٹی کو خیرباد کہہ دیا۔
تحریک انصاف نے ن لیگ کو پچھاڑ دیا، پنجاب کی سیاست کا بڑا نام عمران خان کا ہو گیا
بتایا گیا ہے کہ ملک طارق اعوان مسلم لیگ ن کے مرکزی اور سینئر رہنما احسن اقبال کے حلقے میں 2 عشروں سے زائد تک پارٹی کے ضلعی صدر رہے، تاہم اب انہوں نے ن لیگ کیساتھ اپنی طویل رفاقت کو ختم کرنے کا فیصلہ کیا۔ ملک طارق اعوان نے کچھ عرصہ قبل ہی مسلم لیگ ن کی ضلعی صدارت سے استعفیٰ دے دیا تھا، جبکہ اب انہوں نے پارٹی کو ہی خیرباد کہہ دیا۔
سابق لیگی رہنما ملک طارق اعوان نے لاہور میں تحریک انصاف کے مرکزی چیف آرگنائزر سیف اللہ خان نیازی اور دیگر رہنماوں کی موجودگی میں حکمراں جماعت میں شمولیت اختیار کی۔تحریک انصاف کے ذرائع کے مطابق ملک طارق اعوان سوموار کوایک پریس کانفرنس میں پی ٹی آئی میں شمولیت کی وجہ اور اپنا آئندہ کا لائحہ عمل بتائیں گے۔
