جھوٹی خبر ناقابل ضمانت جرم۔۔۔۔وزیر قانون بیرسٹر فروغ نسیم نے جھوٹی خبریں پھیلانے والوں کے لیے سزاؤں کی تفصیلات جاری کر دیں!

پاکستان (نیوز اویل)، وزیر قانون فروغ نسیم نے میڈیا سے گفتگو کرتے ہوئے یہ بات واضح کی ہے کہ اب جھوٹی یا فیک نیوز پھیلانے والوں کے خلاف سخت سے سخت کارروائی کی جائے۔

فروغ نسیم کا کہنا تھا کہ سوشل میڈیا پر ہر وقت کوئی نہ کوئی فیک نیوز چلتی رہتی ہے جو کہ لوگوں کو ہراساں کرنے کا دوسرا طریقہ ہے ان کا کہنا تھا کہ اب سے فیک نیوز پھیلانا ناقابل ضمانت جرم ہے ان کا کہنا تھا کہ اب سے 6 ماہ کا ٹرائل ہو گا اور اس کے بعد پانچ سال کی سزا بھی سنائی جائیگی اور کسی قسم کی ضمانت نہیں ہوگی جس طرح وزیراعظم عمران خان اور ان کی اہلیہ کے بارے میں اور ان کی طلاق کے بارے میں غلط خبر پھیلائی گئی تھی ۔

یاد رہے کہحال ہی میں وزیراعظم عمران خان اور ان کی اہلیہ بشریٰ بی بی کے درمیان کشیدگی اور ناراضگی کی خبریں سوشل میڈیا پر وائرل ہو رہی ہیں جن میں یہ بھی سننے میں آ رہا ہے کہ وزیراعظم عمران خان اور ان کی اہلیہ بشریٰ بی بی کے درمیان علیحدگی ہو گئی ہے اور بشری بی بی لاہور میں رہ رہی ہیں ۔ جبکہ وزیراعظم عمران خان کے معاون خصوصی جو کہ ڈاکٹر شہباز گل ہیں ان کا اس حوالے سے جو بیان سامنے آیا ہے ان کے مطابق انہوں نے ایسی تمام خبروں کی تردید کر دی ہے ان کا کہنا ہے کہ یہ عمران خان صاحب کے خلاف سازش کی جا رہی ہے اور جو صحافی اس طرح کی گھٹیا خبریں پھیلا رہے ہیں ان کے خلاف قانونی کارروائی کی جائے گی اور ان کو عدالت میں لے جایا جائے گا۔ اور انہوں نے مزید کہا کہ سیاست اور صحافت میں لوگوں کے خاندانوں کو بیچ میں نہ لائیں اور یہ کہ بشری بی بی پہلی بات یہ کہ وہ پچھلے 4 ماہ سے لاہور نہیں گئیں اور اگر وہ اس سال لاہور گئی بھی تھیں تو وہ ایک ہفتے کے لیے گئی تھیں ۔ یاد رہے کہ خاتون اول بشری بی بی کی بہت قریبی دوست فرخ خان کا بھی بیان بھی سامنے آ گیا ہے جس میں انہوں نے یہ سب باتوں کی تردید کرتے ہوئے کہا ہے کہ بشری بی بی اسلام آباد میں بنی گالا میں ہی موجود ہیں اور وہ ان کے پاس لاہور میں نہیں ہیں ۔