ایک مرتبہ موسیٰ علیہ السلام اللہ سے ملاقات کرنے گئے اور اللہ عرض کیا کہ اے میرے پروردگار ! مجھے کچھ بتا جس سے میں تجھے یاد کیا کروں اور اس کے ذریعہ تجھ سے دعائیں مانگا کروں تو اللہ تعالیٰ نے فرمایا کہ اے موسی لاالہ الا اللہ کہا کرو، تو حضرت موسی علیہ السلام نے کہا کہ اے میرے پروردگار یہ تو تیرے سبھی بندے کہتے ہیں مجھے کچھ اور بتا تو اللہ نے فرمایا لاالہ الا اللہ کہا کرو تو موسیٰ علیہ السلام نے کہا کہ اے میرے رب میں تو اپنے لئے کوئی خاص وظیفہ چاہتا ہوں تو اللہ تعالیٰ نے فرمایا کہ اے موسی اگر تو تمام مخلوق اور ساتوں آسمانوں اور ساتوں زمینوں کو بھی ایک ترازو کے ایک پلڑے میں رکھ دو اور دوسرے میں یہ دعا رکھ دو تو تب بھی اس دعا کا پلڑا بھاری ہو گا۔