پاکستان (نیوز اویل)، مسلم لیگ نون کی رکن اسمبلی حنا پرویز بٹ جو کہ سوشل میڈیا پر اپنی ٹویٹس کی وجہ سے کافی سرخیوں میں رہتی ہیں انہوں نے گزشتہ روز ہونے والے ضمنی انتخابات میں ناکامی کے بعد اپنا لہجہ ہی بدل ڈالا ہے اور اپنی شکست کو تسلیم کر لیا ہے۔
ٹویٹر پر اپنی ایک ٹویٹ میں ان کا کہنا تھا کہ ” ہم سب پاکستانی ہیں اور سیاست میں بھی احترام کو قائم رکھنا چاہیے ، اور ایک دوسرے کو سننے اور برداشت کرنے کی صلاحیت پیدا کرنی چاہیے ”
اور اس کے ساتھ ساتھ حنا پرویز بٹ نے ایک اور ٹویٹ میں پاکستان تحریک انصاف کو ان کی جیت پر مبارکباد دیتے ہوئے کہنا تھا کہ :
” میں پی ٹی آئی کی قیادت اور کارکنوں اور ان کے تمام رہنماؤں کو ان کی ضمنی انتخابات میں نمایاں جیت پر مبارکباد پیش کرتی ہوں اور ہار اور جیت تو زندگی کا حصہ ہوتا ہے اور مسلم لیگ نون کے لیگی کارکنوں اور قیادت کو بالکل بھی مایوس نہیں ہونا چاہیے ، انشاءاللہ شیر باؤنس بیک کرے گا ، شیر انشاءاللہ جلد اک واری فیر ”
یاد رہے گزشتہ روز ضمنی انتخابات میں مسلم لیگ نون نے 20 میں سے 4 نشستیں حاصل کیں اور پی ٹی آئی نے 20 میں سے 15 نشستوں پر بڑی کامیابی حاصل کی جبکہ ایک نشست آزاد امیدوار کے حصے میں آئی ۔
