کراچی: فیڈرل بورڈ آف ریونیو کے اینٹی بینامی زون نے کراچی میں 12 سے زائد مہنگی گاڑیوں کا سراغ لگا لیا ہے جو فیصل آباد سے آئے مزدور اور ایک دربان کے نام پر رجسٹرڈ ہیں۔
فیصل آباد کا مزدور لگژری گاڑیوں کا مالک نکلا، ایف بی آر نے نوٹس بھیج دیا۔
ایف بی آر بینامی زون نے انکشاف کیا ہے کہ فیصل آباد کے ایک مزدور زاہد اقبال ، جو روزانہ مزدوری کرتا ہے ، کے پاس دو لگژری گاڑیاں تھیں جن میں ایک لینڈ روور اور بی ایم ڈبلیو شامل ہے۔
اس کے علاوہ مزید 10 کاریں بھی ایک دربان کے نام پر رجسٹرڈ ہیں ، جبکہ کار ڈیلر کا نام بھی بنیامی گاڑیوں کے لئے استعمال کیا گیا تھا۔ ایف بی آر بینامی زون کے عہدیداروں نے بتایا کہ گاڑیوں کی خریداری بینامی ٹرانزیکشن ایکٹ کے تحت ہوئی۔
زاہد اقبال نے بتایا کہ وہ کاروں کے مالک ہونے سے بالکل بے خبر ہیں۔ اس انکشاف کے بعد بورڈ کے بینامی زون نے اس معاملے کی تحقیقات شروع کیں اور مزدور ، دربان اور کار فروش کو نوٹسز جاری کردیئے۔
