اسلام آباد (نیوز ڈیسک) نیب نے27 ماہ میں 153 ارب روپے بر آمد کروا کر خزانے میں جمع کروائے، چیئر مین نیب جاوید اقبال کا کہنا ہےکہ اس عرصے میں 600 بدعنوانی کے ریفرنسز عدالتوں میں دائر کیے گئے۔
لوٹے ہوئے 153 ارب روپے کی واپسی۔۔۔!!! قومی خزانہ لبا لب بھر گیا، یہ رقم کس سے حاصل کی گئی ؟
تفصیلات کے مطابق نیب ملک میں بد عنوانی کے خاتمے کے لیے پر عزم ہے، نیب کرپشن کے خاتمے کے لیے فیس نہیں کیس دیکھتا ہے، نیب نے ایک منزل کا تعین کیا ہے، نیب نے27 ماہ میں 153 ارب روپے بر آمد کروا کرخزانے میں جمع کروائے، اس عرصے میں 600 بدعنوانی کے ریفرنسز عدالتوں میں دائر کیے گئے، احتساب عدالتوں میں سے سزا دلوانے کی شرح 70 فیصد رہی ہے، احتساب عدالتوں میں 943 ارب روپے کے 1261ریفرنسز زیر سماعت ہیں۔
یاد رہے کہ اس سے قبل وفاقی وزیر برائے پارلیمانی امور اعظم سواتی کا کہنا تھا کہ نیب کیسز کو منتقی انجام تک نہیں پہنچا رہا،ہم ثبوت فراہم کررہے ہیں، انکوائری اور ریفرنس دائر کرنا نیب کا کام ہے، میں نے خود نیب کو ثبوت دیے ہیں۔
