نائلہ جعفری موذی مرض میں مبتلا، حکومت سے مدد کی اپیل کر دی۔

وزیر سندھ نے اداکارہ نائلہ جعفری کے علاج معالجے پر اخراجات برداشت کرنے کا اعلان کیا ہے۔

کراچی: سندھ کے وزیر ثقافت ، سیاحت اور نوادرات سردار علی شاہ نے معروف اداکارہ نائلہ جعفری کے لئے حکومت کے اخراجات پر علاج معالجے کا اعلان کیا۔

سردار شاہ نے ایک بیان میں اعلان کیا ہے کہ ان کا محکمہ نائلہ جعفری کے علاج معالجے کے تمام اخراجات برداشت کرے گا جو سن 2016 سے کینسر سے لڑ رہی ہیں ۔
حال ہی میں نائلہ جعفری جو رحم کے کینسر سے لڑ رہی ہیں اور اپنا علاج کرانے سے قاصر ہیں ۔ انہوں نے اپنے ڈراموں کے رائلٹی سے اپیل کی تھی کہ وہ کینسر کے علاج کے لئے معاوضہ ادا کریں۔

اداکارہ نے سوشل میڈیا پر ایک ویڈیو شیئر کی تھی جس میں انہیں مالی مدد کا مطالبہ کرتے سنا جاسکتا ہے۔

انہوں نے مزید کہا ، “میں چھ سال سے بیمار تھی ، ہر ایک نے میری مدد کی ، لیکن میری خواہش ہے کہ میرے جو ڈرامے ریرن ہو رہے ہیں ان کا کچھ معاوضہ مجھے بھی دیا جائے ۔”