وزیراعظم عمران خان کے معاون خصوصی شہباز گل کی زبان کیا پھسلی، عمران خان پر ہی طنز کر گئے!

پاکستان (نیوز اویل)، وزیراعظم عمران خان کے معاون خصوصی شہباز گل نے غلطی سے نواز شریف کی جگہ عمران خان پر ہی طنز کر ڈالا ۔

شہباز گل میڈیا سے گفتگو کر رہے تھے کہ ان کی زبان پھسل گئی اور انہوں نے کہا عدالت نے میاں صاحب کو بھگوڑا کہا تو کیا ہم عمران خان کو ایتھلیٹ کہیں ۔۔۔۔ لیکن جلد ہی ان کو احساس ہو گیا کہ وہ کیا بول رہے ہیں اور انہوں نے اپنے الفاظ فوراً سے ہی درست کر لیے ۔ اور کہا تو کیا ہم نواز شریف کو ایتھلیٹ کہیں ۔۔۔

یاد رہے کہ شہباز گل وزیراعظم عمران خان کے معاون خصوصی ہیں اور انہوں نے میڈیا سے گفتگو کرتے ہوئے یہ بھی کہا کہ شہباز شریف کو کرپشن کیسز کا حساب دینا ہو گا جب تک وہ ان تمام کرپشن کیسز کا حساب نہیں دیں گے تو ان کو تب تک اسمبلی میں تقریر کرنے کی اجازت نہیں دی جائے گی ۔ ان کا مزید کہنا تھا کہ ہم نے ان مسلم لیگ نون والوں کو چار سال بہت ڈھیل دی ہے اب مزید ایسا نہیں ہوگا ۔ اور شہباز شریف کے ملازمین کے بینک اکاؤنٹ کی ڈیٹیلز بھی سامنے آ چکی ہیں اور ان کو اب کوئی نہیں بچا سکے گا ۔ انہیں اپنی ساری کی ساری کرپشن کا حساب دینا ھے اور ان شریف برادران کو اب جیل جانے سے کوئی نہیں بچا سکے گا۔