Headlines

وفاقی حکومت نے شہباز شریف کی بیرون ملک روانگی سے متعلق فیصلے کو سپریم کورٹ میں چیلنج کرنے کی تیاری کر لی

Aisha Siddiqua4 years ago4 years ago01 mins

اسلام آباد: وفاقی حکومت نے مسلم لیگ (ن) کے صدر شہباز شریف کو بیرون ملک جانے کی اجازت کے فیصلے کو چیلنج کرنے کے لئے سپریم کورٹ کے روبرو دائر کی جانے والی درخواست کا مسودہ تیار کرلیا۔

تفصیلات کے مطابق یہ درخواست آئین پاکستان کے آرٹیکل 185 (3) کے تحت پیر کو سپریم کورٹ آف پاکستان کے سامنے دائر کی جائے گی۔

حاصل کردہ پٹیشن کے مندرجات کے مطابق ، اس سے جوابات طلب کیے جائیں گے کہ لاہور ہائیکورٹ کا معزز جج متعلقہ محکموں کو نوٹس جاری کیے بغیر بیرون ملک سفر کی اجازت کیسے دے سکتا ہے۔

اس پر مزید سوالات اٹھائے جائیں گے کہ سنگل بینچ کا جج متنازعہ امور سے متعلق معاملے پر کس طرح فیصلہ دے سکتا ہے۔

اس میں لکھا گیا ہے کہ اگر کسی شخص کو اربوں روپے کی کرپشن سے متعلق مقدمات کا سامنا کرنا پڑ رہا ہے تو ایسے مقدمات کی سماعت کرنے والی ٹرائل کورٹ سے پیشگی منظوری لئے بغیر اسے کیسے ملک چھوڑنے کی اجازت دی جاسکتی ہے۔

اس سے قبل ملزم شہباز شریف کی ضمانت کی درخواست ہائی کورٹ کے معزز ججوں نے مسترد کردی تھی ، درخواست میں مزید ایک سوال اٹھاتے ہوئے کہا گیا کہ بیرون ملک سفر کے لئے ایسی درخواست کیسے میڈیکل بورڈ سے تصدیق کیے بغیر منظور ہوسکتی ہے۔