ٹوٹے ہوئے دل۔۔۔۔ ساری باتیں ابھی بتا دیں تو ساری کہانی ہی ختم ہو جائے گی، شہباز شریف کا صحافی کو انوکھا جواب!

پاکستان (نیوز اویل)، حال ہی میں میڈیا سے گفتگو کرتے ہوئے میاں شہباز شریف سے جب ایک صحافی نے سوال کیا کہ آپ حکومت کو مدت سے پہلے گھر بھیجنے کی بات کرتے ہیں اور یہ بات کہ حکومت کے ساڑھے تین سالوں کا بوجھ کب تک اٹھا کر پھرا جائے گا۔

تو شہباز شریف نے مزاح سے بھرپور جواب دیتے ہوئے کہا کہ اگر ابھی ہی سب کچھ بتا دیا تو کہانی ختم ہی ہو جائے گی اور ایسا میں نہیں چاہتا شہباز شریف کے اس مزاح بھرے جواب سے قہقہے بلند ہو گئے ۔ اس کے ساتھ ساتھ جب ان سے یہ کہا گیا کہ پی ڈی ایم کا اتحاد تاریخ کا سب سے پہلا اتحاد تھا جو جلد ہی ختم ہو گیا تو اس حوالے سے آپ کیا کہیں گے تو شہباز شریف نے کہا کہ ٹوٹے ہوئے دل جڑ بھی تو جاتے ہیں ۔

یاد رہے کہ نواز شریف کے صاحبزادے حسین نواز شریف نے جیو نیوز کے پروگرام میں گفتگو کرتے ہوئے کہا کہ ہم شہباز شریف کو آئیندہ وزیراعظم دیکھنا چاہتے ہیں اس کے علاوہ انہوں نے نواز شریف کی صحت کے حوالے سے بات چیت کی۔ جس پر ان کا کہنا تھا کہ والد کی صحت کے حوالے سے کوئی کمپرومائز نہیں کریں گے۔