پاکستانی سفارت خانے کی کاوش۔۔۔۔یوکرین سے پاکستانی طلبہ کے حوالے سے اہم خبر سامنے آگئی ، والدین نے سکھ کا سانس لیا!

پاکستان (نیوز اویل)، پاکستانی سفارت خانے نے یوکرین کے شہر کیف سے 105 کے قریب پاکستانی طلبہ کو نکال لیا ہے اور ان کو قریبی سرحد پار کروائی جائے گی ۔

پاکستانی سفارتخانہ کے مطابق مزید 34 کے قریب پاکستانی طالب علموں کو کیف سے لویو کےلئےجایا جا رہا ہے ، تمام پاکستانی کل رات 2 بجے کے قریب ٹرین میں سوار ہوئےتھے ، پاکستانی سفارتخانے کا سہولت کاری ڈیسک ان تمام طلباء کا استقبال کرےگا اور پھر ان طلباء کو قریبی سرحد تک پہنچا دیا جائے گا اور پھر ان کو پاکستان واپس لانے کا بندوست کیا جائے گا ۔

ادھر یوکرین پاکستانی طلبہ کے ساتھ ساتھ پاکستانی سفارت خانہ کے عملے کے 12 کے قریب اہلخانہ کو بھی نکال لیا گیا ہے اور عملے کے اہلخانہ کو یو کرین رومانیہ بارڈر کے ذریعے انہیں منتقل کیا جائے گا اور جبکہ رومانیہ میں پاکستانی سفارتخانہ تمام سہولتیں فراہم کر رہا ہے اور کوشش کی جا رہی ہے کہ جلد از جلد ان تمام پاکستانیوں کو ملک واپس لے آیا جائے اور ادھر روس اور یوکرین کے درمیان فالحال کوئی مزاکرات نہیں کیے گئے اور یوکرین کے صدر نے عام شہریوں سے بھی جنگ میں شرکت کی درخواست کر دی ہے ۔