پاکستان (نیوز اویل)، کراچی چڑیا گھر سے ٹائیگر اور تیندوے کے بچے غائب ہو گئے ہیں اور انتظامیہ بے خبر بیٹھی ہے۔
کراچی چڑیا گھر میں ہاتھیوں کے دانت چوری ہونے والے واقعے کے بعد ایک نیا انکشاف۔۔ انتظامیہ بے خبر!
کراچی میں سپر ہائی وے پر واقع چڑیا گھر سے ٹائیگر اور تیندوے کے بچے غائب ہو گئے ہیں ایک پنجرے سے تیندوے کا ایک ماہ کا بچہ غائب ہے اور دوسرے پنجرے سے ٹائیگر کا آٹھ ماہ کا بچہ غائب ہو ا ہے۔ چڑیا گھر کے جانوروں کے ڈاکٹر شاہد جلیل نے ایف آئی آر درج کرائی ہے ۔ ڈاکٹر شاہد جلیل کا کہنا تھا کہ جب وہ 6 دسمبر کی صبح ڈیوٹی پر پہنچے تو اس ٹائم پر جانور پنجروں سے غائب تھے ۔
چڑیا گھر کے سپروائزر کی ڈیوٹی رات بارہ بجے سے صبح نو بجے تک تھی لیکن سی سی ٹی وی فوٹیج میں واضح دیکھا جا سکتا ہے کہ سپروائزر رات کو تین بجے ہی ڈیوٹی سے چلا گیا تھا پولیس نے ایف آئی آر درج کر لی ہے اور جانوروں کی بازیابی کے لیے کوششیں کی جارہی ہیں ۔
