یوکرین میں پاکستانی سفارت خانے کا زبردست کارنامہ۔۔۔۔ پاکستانی طلباء کے ساتھ ساتھ بھارتی طلباء کے لیے بھی اہم اقدامات اٹھا لیے!

پاکستان (نیوز اویل)، روس کے یوکرین پر کیے جانے والے حملوں کے نتیجے میں یوکرائن میں موجود طلبہ کو بہت مشکلات کا سامنا کرنا پڑ رہا ہے ۔ آج سوشل میڈیا پر ایک ویڈیو وائرل ہوئی ہے جس میں پاکستانی سفارتخانے نے شاندار کارنامہ سرانجام دیا ہے۔

یہ ویڈیو ایک بھارتی طالب علم نے بنائی ہے جو کہ یوکرین میں باقی غیر ملکی طالب علموں کی طرح مشکل کا سامنا کر رہا ہے ویڈیو میں دکھایا گیا ہے کہ وہ طالب علم اپنے دوسرے دوستوں کے ساتھ جو کہ بھارتی ہیں پاکستانی سفارت خانے کے اندر بیٹھا ہوا ہے اور اس نے یہ ویڈیو بنائی ہے ہے جس میں اس کا کہنا تھا کہ کہ وہ کل سے بھارتی سفارتخانے سے رابطہ کر رہے ہیں جو کہ نہیں ہو سکا تو پاکستانی سفارتخانے نے ان کو پناہ بھی دی ہے اور کھانا بھی کھلایا ہے اور وہ پاکستانی سفارت خانے کے بے حد شکر گزار ہیں ۔

یاد رہے کہ روس اور یوکرین کے درمیان جنگ جاری ہے جس کے نتیجے میں بہت سے غیر ملکی طالب علم شدید مشکلات کا سامنا کر رہے ہیں اور قریب کے ملکوں کے بارڈر کراس کرنے کی کوشش کر رہے ہیں تاکہ وہ اپنی جان بچا سکیں۔