برفانی تیندوے جن کوانگریزی میں “سنو لیپرڈ” کہا جاتا ہے کی پاکستان میں نایاب نسل پائی جاتی ہے جو کہ ناپید ہونے کے خطرے سے دوچار ہے ۔
برفانی تیندوؤں کی نایاب نسل۔۔۔ وزیراعظم کے اقدامات!!
وزیراعظم عمران خان نے برفانی تیندوؤں کی ایک ویڈیو شیئر کی ہے جس میں نایاب نسل کے برفانی تیندوؤں کو دیکھا جا سکتا ہے وزیر اعظم صاحب کا اپنی ٹویٹ میں کہنا تھا کہ ان کی حکومت میں ناپید ہونے کے خدشے سے دوچار اور نایاب جانوروں کی حفاظت کے حوالے سےبہت کڑی پولیسیز بنائی گئی ہیں اور ان کے غیر قانونی شکار پر بھی پابندی عائد کی گئی ہے تاکہ وہ اپنے قدرتی مسکن میں آسانی سے رہ سکیں اور ان کی تعداد بڑھ سکے۔
اکتوبر میں ہونے والے اعدادوشمار کے مطابق برفانی تیندوؤں کا پاکستان میں مسکن80,000 کلومیٹر تک پھیلا ہوا ہے جو کہ گلوبل سنو لیپرڈ رینج کے لحاظ سے 4.5% بنتا ہے اور پاکستان میں برفانی تیندوؤں کی تعداد دو سو سے چار سو بیس تک بتائی گئی ہے۔
