اسلام آباد: حکومت نے رواں سال کے دوران اسٹریٹجک ذخائر کی تعمیر کیلئے گندم کی درآمد اور مستحکم خوراک کی مستقل فراہمی کو یقینی بنانے کا اصولی فیصلہ کیا ہے۔
وفاقی حکومت نے گندم کی درآمد اور مستقل فراہمی کو یقینی بنانے کا اصولی فیصلہ کر لیا۔
منظوری کے لئے کابینہ کی اقتصادی رابطہ کمیٹی کے اگلے اجلاس میں سمری پیش کی جائے گی۔ یہ بات سیکریٹری وزارت فوڈ سیکیورٹی اینڈ ریسرچ غفران میمن نے قومی قیمت مانیٹرنگ کمیٹی (این پی ایم سی) کے اجلاس میں کہی۔
وزیر خزانہ شوکت ترین کی زیرصدارت این پی ایم سی کا اجلاس ، کھانے پینے کی اشیائے ضروریہ کی قیمتوں کا جائزہ لینے کے لئے منعقد ہوا۔
