بلاول بھٹو زرداری نے حکومت کو ایسی دھمکی دے ڈالی جس کی امید مسلم لیگ نون نے بھی نہیں کی تھی، عوام کا سخت ردعمل سامنے آگیا

بلاول بھٹو زرداری نے پاکستان میں ہونے والے او آئی سی کانفرنس کو روکنے کی دھمکی دے ڈالی۔

 

 

تفصیلات کے مطابق پیپلز پارٹی کے چیئرمین بلاول بھٹو زرداری نے میڈیا سے گفتگو کرتے ہوئے کہا کہ اسپیکر قومی اسمبلی اسد قیصر کے پاس کوئی حق نہیں ہے کہ وہ عمران خان کے خلاف عدم اعتماد کا ووٹ دینے والوں کے خلاف کوئی کارروائی کر سکے۔

 

 

انہوں نے مزید کہا کہ قانونی طور پر اسپیکر اسمبلی اسد قیصر کو پیر کے روز عدم اعتماد کے لیے اسمبلی کا اجلاس بلانا چاہیے اور اگر سپیکر اسمبلی نے اجلاس نہ طلب کیا تو ہم اسمبلی فلور پر بیٹھے رہیں گے وہاں سے ہمیں کوئی نہیں اٹھا سکے گا اور پھر ہم بھی دیکھیں گے کہ حکومت او آئی سی کانفرنس کیسے منعقد کرواتی ہے

 

 

بلاول بھٹو زرداری کے اس بیان پر ردعمل دیتے ہوئے وزیر خارجہ شاہ محمود قریشی نے کہا کہ بلاول بھٹو کا بیان سن کر انتہائی افسوس ہوا، او آئی سی کانفرنس ریاست پاکستان کی ضرورت ہے نہ کہ حکومت پاکستان کی اور پاکستان میں او آئی سی کانفرنس کو رکوانا بھارت کا ایجنڈا ہے میں امید کرتا ہوں کہ بلاول بھارت کے ایجنڈے پر کام نہیں کریں گے

 

 

بلاول بھٹو زرداری کے اس بیان کے ردعمل میں سوشل میڈیا پر بلاول بھٹو زرداری کو غدار کے لقب سے بھی نوازا جانے لگا