• پاکستان
• سیاست

شہباز شریف نے کراچی کو پیرس بنانے کا اعلان کر دیا

Muhammad Kashif4 years ago01 mins

کراچی (مانیٹرنگ ڈیسک /این این آئی )صدر مسلم لیگ ن اور قومی اسمبلی میں قائد حزب اختلاف شہباز شریف کا کہنا ہے کہ اگر ہمیں موقع ملا تو کراچی کو پیرس بنا دیں گے۔مزار قائد پر حاضری دینے کے بعد میڈیا سے گفتگو کرتے ہوئے شہباز شریف کا کہنا تھا کہ حکومت سے مفاہمت اور مزاحمت کے بجائے صرف شفاف الیکشن کا مطالبہ کرتے ہیں۔

قائد حزب اختلاف شہباز شریف کا کہنا تھاملکی تاریخ میں اسٹیبلشمنٹ سے جتنی سپورٹ پی ٹی آئی کو ملی کسی اور حکومت کو نہیں ملی لیکن پھر بھی نالائق حکومت فائدہ نہیں اٹھا سکی۔انھوں نے کہا کہ 20-20 گھنٹے کی لوڈشیڈنگ کسی جادو ٹونے سے نہیں نواز شریف کی محنت سے ختم ہوئی، صوبے کو کام کرنے کا موقع دیں، روڑے اٹکانا عوام کی خدمت نہیں ہے۔

شہباز شریف کا مزید کہنا تھا کہ کراچی کے ساتھ سوتیلی ماں جیسا سلوک کیا گیا، اگر ہمیں موقع ملا تو کراچی کو پیرس بنا دیں گے۔قبل ازیں صدر مسلم لیگ ن و اپوزیشن لیڈر قومی اسمبلی میاں شہباز شریف کراچی کےمسائل کا ذکر کرتے ہوئے آبدیدہ ہو گئے ۔ تفصیلات کے مطابق شہباز شریف نے این اے 249کی تقریب سے خطاب کے دوران اپنے جذبات پر قابو نہ رکھ سکے اورآبدیدہ ہو گئے ،

انکا کہنا تھا کہ قائداعظم محمد علی جناح کے شہر ہے لیکن اس کمائو شہر کیساتھ سوتیلی ماں جیسا سلوک کیاجارہا ہے ۔ تفصیلات کے مطابق پاکستان مسلم لیگ (ن) کے صدر اور قائد حزب اختلاف شہبازشریف نے کہا ہے کہ کراچی کی خوشحالی کے بغیر پاکستان خوشحال نہیں ہوگا ،نوازشریف کی قیادت میںاللہ تعالی نے آئندہ الیکشن میں موقع ملا تو کراچی کی قسمت بدل دیں گے ،ایک جماعت کو نکال کر دیگرتمام جماعتوں کو ملا کر کراچی کی حالت سدھارنے کے لئے کام کریں گے ، اس جماعت نے تین سال میں ملک وقوم پر ظلم ڈھایا ،اربوں کھربوں کا سالانہ ٹیکس دینے والے شہر میں مسائل کی بھرمار ہے ،عوام ایک گیلن پانی کے لئے ترس رہے ہیں، ایک غریب مزدور ایک گیلن پانی لے تو اس کی دیہاڑی ختم ہوجائے گی ۔

پاکستان مسلم لیگ (ن) کے صدر اور قائد حزب اختلاف شہبازشریف نے این اے 249 کراچی کے عہدیداروں، کارکنان اور عمائدین علاقہ سے ملاقات میں خطاب کرتے ہوئے کراچی کے مسائل کا ذکر کرتے ہوئے آبدیدہ ہوگئے ، تقریر کرتے ہوئے اپنے جذبات پر قابو نہ رکھ سکے ۔ انہوںنے کہاکہ یہ بابائے قوم حضرت قائداعظم کا شہر ہے، کماو شہر کے ساتھ سوتیلی ماں کا سلوک ہورہا ہے ،اللہ تعالی سے دعا ہے کہ میرے مرنے سے پہلے کراچی شہر بدل جائے ،یہ قائد کا شہر ہے ، کماو شہر ہے، معاشی مرکز ہے، سفارتی مرکز بھی رہا ہے ،یہاں مہاجر، سندھی، پنجابی، تنولی، بلوچ، بنگالی، بلوچ ، پشتون دیگر اقوام اورعلاقوں کے لوگ یہاں رہائش پزیر ہیں ،کیا کمال شہر ہے جس نے ہر کسی کو اپنی گود میں سمایا ہوا ہے،اس شہر کی خوشحالی کے بغیر پاکستان خوشحال نہیں ہوگا ۔