کشمیر پریمیئر لیگ کے آغاز نے شائقین کرکٹ کے دل جیت لئے صارفین بھارت کی بوکھلاہٹ، ہٹ دھرمی اور کرکٹ پر سیاست کو ٹرول کرنا بھی نہ بھولے

مظفر آباد (این این آئی)پاکستان سْپر لیگ (پی ایس ایل) کے بعد مظفرآباد میں کے پی ایل  کے آغاز نے شائقین کرکٹ کے دل جیت لئے ۔گزشتہ روز سے شروع ہونے والی لیگ پاکستان ٹوئٹر ٹرینڈ پینل پر سرفہرست ٹرینڈز میں.

موجود ہے۔ٹرینڈ کا استعمال کرتے ہوئے صارفین کرکٹ سے اپنی محبت اوراپنے پسندیدہ کھلاڑیوں کو ایکشن میں دیکھ کے مختلف تبصرے کئے۔صارفین کے پی ایل کے انعقاد سے بھارت کی بوکھلاہٹ، ہٹ دھرمی اور کرکٹ پر سیاست کو ٹرول کرنا بھی نہ بھولے۔بھارت کی غیر ملکی کھلاڑیوں کو کے پی ایل میں شرکت کرنے پر دھمکیاں دیے جانے کے بعد یہ لیگ دنیا بھر میں ہی توجہ کا مرکز بن گئی تھی۔صارفین اس لیگ کو دنیا بھر میں مشہور کروانے پر بھارت کا شکریہ ادا کرنا بھی نہ بھولے، صارفین بڑی تعداد میں یہ پیغام شیئر کررہے ہیں کہ بھارت کا شکریہ کہ اس نے اس لیگ کو دنیا بھر میں مشہور کردیا۔ایک صارف نے رنگا رنگ افتتاحی تقریب کی تصویر شیئر کرتے ہوئے بی سی سی آئی کو ٹیگ کیا اور لکھا کہ کیا آپ سب دیکھ رہے ہیں؟۔