پاکستان (نیوز اویل)، ذرائع کے مطابق مسلم لیگ ن اور ترین گروپ میں مائنس بزدار پر اتفاق ہوگیا ہے ۔ اور انہوں نے بزدار کو وزارت کی دوڑ سے باہر نکال دیا ہے ۔
تفصیلات کے مطابق حمزا شہباز شریف نے ماڈل ٹاؤن لاہور میں جہانگیرترین کی رہائش گاہ پر ان کے گروپ کے لوگوں سے بات چیت کی جہانگیر ترین کی رہائش گاہ پر جہانگیر گروپ کے رہنما عون چوہدری کے علاوہ دیگر ارکان نے حمزہ شہباز کا استقبال کیا اور ان سے بات چیت کی ۔ ترین گروپ نے تحریک عدم اعتماد کے حوالے سے بات کرتے ہوئے یہ کہا کہ وہ ذہنی طور پر حکومت سے الگ ہو چکے ہیں اور اس کی وجہ حکومت کی ساڑھے تین سال کی کارکردگی ہے اور وہ اب اپوزیشن کا ساتھ دینے کے بارے میں سوچ رہے ہیں ۔
ساتھ ہی ساتھ عثمان بزدار کو وزارت اعلٰی کے عہدے سے ہٹانے پر اتفاق کیا گیا جس پر دونوں گروپوں کا کہنا تھا کہ پنجاب میں عثمان بزدار کی کارکردگی بہت بری رہی ہے اور کوئی بھی ڈیویلپمنٹ نہیں کی جا سکی ۔
