فرانس کے شہر پیرس میں گزشتہ روز ایک مسجد کو بند کردیا گیا۔ مسجد کو بند کرنے کے حوالے سے مختلف باتیں کہی جا رہی ہیں کچھ مقامی لوگوں کا کہنا ہے کہ یہ صرف اسلام دشمنی کو ہوا دی جا رہی ہے اور فلحال مسجد کو دوبارہ کھولنے کے لیے درخواستیں دائر کی جا رہی ہیں۔۔
پیرس میں موجود ایک مسجد جس میں تقریباً پانچ سو نمازی روزانہ نماز پڑھتے ہیں کو گزشتہ روز بند کردیا گیا ہے ۔ حکام کے مطابق مسجد کو بند کرنے کی وجہ امام مسجد کا غیر مسلموں کے خلاف تبلیغ ہے۔ حکومت کا کہنا ہے کہ مسجد میں عیسائیوں کے خلاف ، یہودیوں کے خلاف اور دوسرے مذاھب کے خلاف نفرت بھرے خطبات دیے جاتے ہیں۔
فرانس کی اس مسجد کو بند کرنے کے حوالے سے کاروائی کا آغاز تین ہفتے پہلے شروع کیا تھا اور گزشتہ روز اس مسجد کو چھ ماہ کے لیے بند کردیا گیا ہے۔ فرانس کے وزیر داخلہ کا کہنا تھا مسجد کو بند کر کے تشدد کی اس فضا کو کم کرنے کی کوشش کی گئی ہے جس نے دوسرے مذاھب کے لوگوں میں تشویش اور غصہ پیدا کر دیا ہے۔ان کا کہنا ہے کہ مسجد کو بند کرنے کی وجہ پر امن ماحول کو برقرار رکھنا ہے۔
