پاکستان (نیوز اویل)، مولانا فضل الرحمن کے حالیہ بیان نے سب کو حیران کر دیا ہے۔ انہوں نے یہ بیان دیا ہے کہ وہ فوری الیکشن چاہتے ہیں جبکہ اپوزیشن نہیں چاہتی تھی کہ فوری طور پر۔الیکشن ہوں ۔
جمعیت علماء اسلام کے رہنما مولانا فضل الرحمان نے پاکستان میں بننے والی نئی حکومت کے دورانیے کے حوالے سے بات چیت کرتے ہوئے کہا کہ یہ حکومت کو ایک سال ہی چلے گی اور اس لیے ہم ان سے یہ کہہ رہے ہیں کہ ملک میں فوری طور پر عام انتخابات کروانے کا اعلان کیا جائے تاکہ جو بھی حکومت آئے اس کے پاس اس ملک کی خدمت کرنے کے لیے کافی وقت ہو۔
سابق وزیر اعظم عمران خان کے بارے میں بات کرتے ہوئے ان کا کہنا تھا کہ ہم نے انہیں کو رخصت کر دیا ہے لیکن اب ہم قو م کی امانت لوٹانا چاہتے ہیں اور اس لیے حکومت کو چاہیے کہ ملک میں عام انتخابات کا اعلان کر دیا جائے اور اس بات پر ہماری جماعت اپنا موقف سامنے رکھ رہی ہے اور اگر پھر بھی ہماری بات نہیں مانی جاتی تو اس پر ہم ڈٹ کر بھی دکھا دیں گے۔
