’’نواز شریف واپس آئیں گے تو جیل جائیں گے‘‘ ن لیگی رہنما کا اپنے ہی قائد کے حوالے سے بڑا دعویٰ!

پاکستان (نیوز اویل)، ن لیگی رہنما اور سینئر رکن اسمبلی شاہد خاقان عباسی نے ایک ٹی وی پروگرام میں یہ کہہ دیا کہ نواز شریف واپس آئیں گے تو جیل جائیں گے ۔ شاہد خاقان عباسی نے اینکر اور ہوسٹ وسیم بادامی سے گفتگو کرتے ہوئے یہ کہہ دیا کہ نواز شریف وطن واپس آئیں گے تو جیل جائیں گے۔

ایک ٹی وی پروگرام میں گفتگو کرتے ہوئےشاہد خاقان عباسی کا کہنا تھا کہ ہم نے پاکستان تحریک انصاف کو حکومت سے نکالا تھا اور وہ تو اسمبلی ہی چھوڑ کر بھاگ گئے ہیں۔ انہوں نے کہا کہ پہلے میں بھی اسی حق میں تھا کہ فوراً سے الیکشن کروا دیے جائیں ۔ لیکن اب یہ بات سمجھ میں آ رہی ہے کہ اسمبلیاں اگست 2023 تک اپنی مدت پوری کرینگی اور اس کے بعد عام انتخابات کروائے جائیں گے۔

انہوں نے مزید کہا کہ تحریک انصاف اپنی خالی نشتوں پر الیکشن نہیں لڑے گی تو کوئی اور لڑے گا ہم لوگ پوری کوشش کریں گے کہ عوام کو ریلیف دیا جا سکے ورنہ پچھلی حکومت نے تو کچھ نہیں چھوڑا اور قرضے لیے ہیں۔