پاکستان (نیوز اویل)، حال ہی میں یہ خبریں سامنے آرہی ہیں کہ شاہ محمود قریشی اور فواد چوہدری بھی پارٹی کو چھوڑ دیں گے ۔ یہ پیشن گوئی کرنے والے وزیر اعلی سندھ کے مشیر زراعت ہیں جن کا نام منظور وسان ہے۔
منظور وسان اکثروبیشتر سیاست کے حوالے سے پشین گوئی کرتے رہتے ہیں حال ہی میں ان کا کہنا ہے کہ ان کے خواب کے مطابق فواد چوہدری اور شاہ محمود قریشی پارٹی کو چھوڑ دیں گے جب عمران خان کا اقتدار ختم ہو جائے گا اور نواز شریف عام انتخابات کا اعلان ہونے پر ہی ملک میں واپس آئیں گے اس سے پہلے وہ واپس نہیں آئیں گے اس کے ساتھ ساتھ ان کا کہنا تھا کہ کہ اگلی حکومت عمران خان کی آتی ہوئی نظر نہیں آرہی جو حالات ہیں اس سے یہ تو طے ہے کہ عمران خان اگلے پانچ سال کے لیے وزیراعظم کبھی بھی نہیں بنیں گے ۔
اس کے ساتھ ساتھ ان کا کہنا تھا کہ یہ جو بہت شور ڈالا جارہا ہے کہ صدارتی نظام آ رہا ہے صدارتی نظام آ رہا ہے تو ایسا کچھ بھی نہیں ہے کیونکہ کوئی بھی صوبہ ایسا نہیں چاہتا کہ صدارتی نظام آئے ان کا مزید کہنا تھا کہ پاکستان تحریک انصاف کو چھوڑنے کے بعد فواد چوہدری اور شاہ محمود قریشی کے زیادہ تر پی پی پی کو جوائن کرنے کے چانسز ہیں۔
